Inicio
Web Oficial do Concello de Bueu
Inicio
Galego
Español
Colectivos e Clubes
Voltar
O CONCELLO DE BUEU TEN ABERTO O PRAZO PARA PARTICIPAR EN CATRO LICITACIÓNS
[Obras e Servizos]
[Do Xoves, 07 de Decembro do 2017 ao Martes, 02 de Xaneiro do 2018]
Concretamente, pódense presentar ofertas para o proxecto de acondicionamento da Praza Massó, a pavimentación de camiños municipais, o camiño de Outeiro, e a adquisición de mobiliario para actividades municipais
O Concello de Bueu ten aberto actualmente o prazo de licitación para catro proxectos, que son os do acondicionamento da Praza Massó, a pavimentación de camiños municipais, a adquisición de mobiliario e a pavimentación do camiño de Outeiro.

O obxectivo da acondicionamento da Praza Massó é adecuar un espazo que actualmente se atopa obsoleto, dado que o estanque está en mal estado de conservación, o que impide o goce da cidadanía. Así, as obras proxectadas van consistir na execución de recheo, pavimentación, instalación dunha fonte transitable e adaptación da contorna para persoas con mobilidade reducida. O prazo de presentación das ofertas remata o 11 deste mes, e o prezo de licitación é de 67.909,74 €, IVE incluído, con cargo ao Plan Concellos 2017 da Deputación de Pontevedra.

Para a pavimentación do Camiño de Outeiro, con cargo a unha subvención do AGADER e cun prezo de licitación de 57.687,96 €, IVE incluído, o prazo remata tamén o próximo luns, 11 de decembro. Concretamente vaise asfaltar unha distancia de aproximadamente 500 metros desde a Casela ata o Outeiro, onde se arranxarán cunetas, ampliarase o sobreancho do camiño e incluso se canalizarán as augas pluviais.

Esta pavimentación forma parte dun proxecto máis extenso e correspóndese coa segunda fase do mesmo. A primeira, que abrangue entre o lugar de Meiro e a Casela, farase con cargo ao Plan Concellos 2017 da Deputación de Pontevedra e suporá a mellora de máis dun quilómetro de vial e a recollida das grandes cantidades de auga que circulan por el e que dificultan o tránsito sobre todo na época invernal. Para este caso, o Concello ten aberto o prazo de licitación ata o 2 de xaneiro, xunto aos outros camiños de Costiña, Vilar, Sar, cun importe de 196.940,42 €.

E xa por último, ata o 19 de decembro poderanse presentar as ofertas para optar ao proxecto de adquisición de diverso material para actividades municipais, cun orzamento de 38.846,65 €, con cargo tamén ao Plan Concellos 2017. En concreto, solicitaranse cadeiras de diversas características, mesas polivalentes rectangulares e pregables rectangulares, armarios con portas baixas e mobles vitrina. O proxecto tamén establece a necesidade de contar con diversos complementos e aparatos electrónicos, como dous xogos tradicionais de chave, catro xogos de petanca, catorce espellos icoloros, seis antenas de televisión, seis televisores, cinco pizarras laminadas móbiles e unha interactiva con rodas, un soporte móbil para pizarra dixital e un proxector de curta distancia.

Toda a información sobre estes proxectos pode descargarse na Plataforma de Contratación do Estado, con acceso dende a web municipal (www.concellodebueu.org).
Voltar
O tempo
Perfil do contratante
Sede Electrónica
Patrimonio en Bueu
Eventos en Bueu
Praias
Plan Xeral de Ordenación Municipal
Aula de natureza Cabo Udra
Museo Masso
Festival Internacional de Curtametraxes de Bueu
Patrimonio Hermelo
Fundación Novas
Páxina con Documentación sobre Bueu
Séguenos en Twitter
Séguenos en Facebook
GDR
© Concello de Bueu 2012. Concello de Bueu – Eduardo Vincenti, 8 – 36930 Bueu (Pontevedra). Telf. 986 390 029