Inicio
Web Oficial do Concello de Bueu
Inicio
Galego
Español
Novas - Deportes
Voltar
BUEU CELEBRA O 23 DE DECEMBRO A III CARREIRA SOLIDARIA DE NADAL
[Deportes]
[Do Venres, 15 de Decembro do 2017 ao Venres, 15 de Decembro do 2017]
Cartel III Carreira Solidaria de Nadal
Cartel III Carreira Solidaria de Nadal
Os fins deste evento son fomentar a práctica do deporte en familia e concienciar sobre a necesaria investigación do cancro infantil // Os fondos recadados se destinarán á Asociación Bicos de Papel que axuda aos nenos oncolóxicos do Álvaro Cunqueiro
A concellaría de deportes de Bueu organizará o vindeiro 23 de decembro a III Carreira Solidaria de Nadal, que este ano recadará fondos para a Asociación Bicos de Papel. Precisamente hoxe celebrouse a rolda de prensa na que estiveron presentes Manolo Otero, concelleiro de deportes, Gonzalo Gómez, técnico de deportes, e Natalia Dieste, presidenta da Asociación, Mila Martínez, secretaria, e Carmen Miranda, tesoureira.
O evento, de carácter popular, terá unha distancia de dous quilómetros, e sairá ás 16.00 horas da Praza Massó ata Pescadoira, volta ao peirao de Bueu e regreso ao punto de saída. A inscrición deberá realizarse de dúas formas: ou ben previamente, entregando a solicitude (dispoñible na páxina web ou no Servizo de Deportes) xunto ao xustificante do pago de 5,00 €, e o propio día da carreira, unha vez queden contabilizados os dorsais. Aínda que o fin da carreira non é competitivo, si que haberá trofeos para os tres primeiros clasificados, ademais dun chocolate con roscón ao remate da mesma, e sorteos de agasallos doados polos comercios da vila.
Segundo destacou o concelleiro de deportes, “a carreira ten unha dupla funcionalidade: animar á práctica do deporte en familia, ao tempo que se conciencia sobre a investigación que é tan necesaria para os nenos e nenas enfermos de cancro”. De feito, a Asociación Bicos de Papel, creada en xuño deste ano, ten como obxectivo lograr a mellora nas condicións de vida destes nenos e nenas que está hospitalizados no Álvaro Cunqueiro. Actualmente contan con máis de cen socios e socias, e traballan en diversos proxectos, como son os de “O noso lar”, que ten que ver coa humanización do hospital, ou “Agarimo”, referente ao acompañamento das familias, entre outros.
Ademais da carreira, a Asociación colocará un posto de venda solidario con produtos para recadar fondos.

Nas ligazóns inferiores podedes descargar as normas da carreira, así como o formulario de inscrición.
Presentación en rolda de prensa
ENLACES
Voltar
O tempo
Perfil do contratante
Sede Electrónica
Patrimonio en Bueu
Eventos en Bueu
Praias
Plan Xeral de Ordenación Municipal
Aula de natureza Cabo Udra
Museo Masso
Festival Internacional de Curtametraxes de Bueu
Patrimonio Hermelo
Fundación Novas
Páxina con Documentación sobre Bueu
Séguenos en Twitter
Séguenos en Facebook
GDR
© Concello de Bueu 2012. Concello de Bueu – Eduardo Vincenti, 8 – 36930 Bueu (Pontevedra). Telf. 986 390 029