Inicio
Web Oficial do Concello de Bueu
Inicio
Galego
Español
Voltar
O CONCELLO DE BUEU PON EN MARCHA OS CERTAMES EDUCATIVOS DO 8 DE MARZO
[Igualdade]
[Do Xoves, 01 de Febreiro do 2018 ao Mércores, 28 de Febreiro do 2018]
Foto de arquivo do 8 de marzo de 2016
Foto de arquivo do 8 de marzo de 2016
Este ano o alumnado dos centros educativos da vila poderá concorrer en dous concursos: literario e de ilustración, ámbolos dous para sensibilizar sobre a igualdade no traballo
A concellaría de igualdade de Bueu, dirixida por Ana Isabel Otero Pastoriza, xa está traballando na programación especial para o 8 de marzo, Día Internacional da Muller, no que ten un papel salientable o alumnado dos centros educativos da vila, tal e como se vén facendo ano tras ano. De aí que se veñan de convocar dous concursos sobre a temática da igualdade no traballo dirixido aos máis novos.
Este ano, por vez primeira, ponse en marcha o I Concurso Literario Xuvenil, no que está aberta a participación a todos os alumnos e alumnas do último ciclo de primaria e de secundaria. A modalidade literaria poderá ser microrrelato, poesía ou a realización dun traballo biográfico sobre unha muller feminista e a súa vida, obra e momento histórico social e cultural no que viviu.
Así mesmo, este ano continúa a convocatoria do XII Concurso de Viñeta e Ilustración, sobre a mesma temática, no que poderán participar todos os alumnos do último ciclo de primaria e secundaria dos centros do Concello de Bueu.
En ambos certames, outorgaranse tres premios consistentes nun robot educativo. No caso do literario, haberá un primeiro premio para primaria, outro para o alumnado de entre 1º e 4º da ESO e outro para grupos. No caso do de viñeta, os premios divídense en 1º premio para primaria, e dous primeiros premios para ESO.
O obxectivo destes certames é sensibilizar ao alumnado sobre a situación laboral das mulleres e a (des)igualdade de oportunidades entre mulleres e homes no traballo. Os traballos que concorran deberán presentarse nas dependencias do CIM (r/ Eduardo Vincenti 28-B), de luns a venres en horario de 8.00 a 14.30 horas.
ENLACES
Voltar
O tempo
Perfil do contratante
Sede Electrónica
Patrimonio en Bueu
Eventos en Bueu
Praias
Plan Xeral de Ordenación Municipal
Aula de natureza Cabo Udra
Museo Masso
Festival Internacional de Curtametraxes de Bueu
Patrimonio Hermelo
Fundación Novas
Páxina con Documentación sobre Bueu
Séguenos en Twitter
Séguenos en Facebook
GDR
© Concello de Bueu 2012. Concello de Bueu – Eduardo Vincenti, 8 – 36930 Bueu (Pontevedra). Telf. 986 390 029