Inicio
Web Oficial do Concello de Bueu
Inicio
Galego
Español
Novas - Cultura
Voltar
INTEGRANTES DE ADICAM PREPARAN A SÚA CURTA NO OBRADOIRO DO FICBUEU E LA CAIXA
[Cultura]
[Do Luns, 26 de Febreiro do 2018 ao Luns, 26 de Febreiro do 2018]
Obradoiro Adicam
Obradoiro Adicam
A formación vén de dar comezo na Asociación de Diagnosticadas de Cancro de Mama e a obra resultante proxectarase no festival
Integrantes da Asociación de Diagnosticadas de Cancro de Mama (Adicam) iniciaron esta semana en Cangas o novo obradoiro da Área Social do FICBUEU, que conta co apoio da Obra Social ”la Caixa”. As nove participantes formaranse en técnicas cinematográficas para acabar realizando a súa propia curta, que se proxectará en setembro na undécima edición do Festival Internacional de Curtametraxes de Bueu.
As sesións desenvolveranse cada mércores de 16.30 a 20.30 horas na Casa da Bola, sede do colectivo, durante os meses de febreiro e marzo, e nelas as socias achegaranse ás distintas fases de produción dun filme. Entre todas, chegarán a un acordo sobre as ideas xerais do que será o seu traballo final, para logo concretalas nun guión e, posteriormente, na gravación. Segundo Manuel Pena, director do FICBUEU e encargado de impartir as aulas, “considérano un reto moi complicado, pero afróntano con ganas e coa ilusión de facer un bo traballo”.
O obradoiro con Adicam é unha das novas liñas de acción que este ano abriu a Área Social do Festival Internacional de Curtametraxes, coa que se busca contribuír ao empoderamento persoal de diferentes colectivos empregando o cine para romper barreiras e reivindicar a súa realidade. Outra das novidades foron as formacións no Centro de Educación Especial de Vilagarcía de Arousa, mentres que continúan as proxeccións para nenas e nenos hospitalizados no hospital Álvaro Cunqueiro de Vigo e para as persoas maiores usuarias dos centros de día de Bueu. Axiña se retomará asemade a actividade coa Asociación Juan XXIII.
Obradoiro Adicam
Voltar
O tempo
Perfil do contratante
Sede Electrónica
Patrimonio en Bueu
Eventos en Bueu
Praias
Plan Xeral de Ordenación Municipal
Aula de natureza Cabo Udra
Museo Masso
Festival Internacional de Curtametraxes de Bueu
Patrimonio Hermelo
Fundación Novas
Páxina con Documentación sobre Bueu
Séguenos en Twitter
Séguenos en Facebook
GDR
© Concello de Bueu 2012. Concello de Bueu – Eduardo Vincenti, 8 – 36930 Bueu (Pontevedra). Telf. 986 390 029