Inicio
Web Oficial do Concello de Bueu
Inicio
Galego
Español
Colectivos y Clubes
Volver
BUEU CELEBRA ESTA FIN DE SEMANA AS FESTAS PATRONAIS DE SAN MARTIÑO
[Cultura]
[Del Miercoles, 08 de Noviembre del 2017 al Miercoles, 08 de Noviembre del 2017]
Presentación Festas San Martiño 2017
Presentación Festas San Martiño 2017
Os festexos celebraranse do 10 ao 12 de novembro, e haberá festa e actividades complementarias
O municipio de Bueu acollerá esta fin de semana as festas patronais na honra de San Martiño. Os festexos celébranse do entre venres o domingo (10-12 de novembro) e combinan a verbena co deporte e as actividades populares, cunha programación que será asumida polo Concello de Bueu, quen por segundo ano consecutivo toma as rendas desta festa coa colaboración da Asociación Bueu en Festas e da Deputación de Pontevedra. Unha festa que o goberno quere manter posto que se trata do patrón da vila e que conta cunha gran tradición popular, tal e como salientou o alcalde, Félix Juncal, durante a rolda de prensa de presentación dos festexos, na que estivo acompañado de Silvia Carballo, concelleira de promoción económica e turismo, e de Darío Campos, presidente da Asociación Bueu en Festas.
O venres ás 17.00 horas, celebrarase un magosto, organizado polas ANPA dos colexios de A Pedra, Virxe Milagrosa e Montemogos de Beluso. Pola noite, a partir das nove e media, a verbena estará amenizada polas orquestras Principal e D’Moda.
O sábado, a Banda de Música Artística de Bueu ofrecerá un pasarrúas pola mañá, e pola noite (a partir das 21 horas) as orquestras Brujas e Fania Blanco Show porán a música. E xa o domingo, o pasarrúas será a cargo da Charanga Imperiais, e no adro da igrexa actuará a agrupación Recordos da Nosa Terra. A partir das 19.30, Jerusalén e Distrito 7 pecharán a festa.
Hai que destacar que a verbena se celebrará nos Xardíns de Urbano Lugrís (Campo da Estacada), e as atraccións estarán dispoñibles no porto.
Tamén, entre o 11 e o 12 de novembro, poderase visitar no adro pequeno da igrexa, a XVIII Mostra de Fotos Antigas que como cada ano selecciona a Asociación Cultural Santos Reis e que ensinan a historia da vila a través de fotos do pobo e das súas xentes.

XXII Carreira Pedestre San Martiño
Os festexos tamén terán unha parte deportiva, coa celebración da XXII Carreira Pedestre San Martiño, que terá lugar o 12 de novembro.
A carreira, organizada polo Club de Atletismo Corredoiras e o Concello de Bueu, que será eminentemente urbana, e tomará a saída na Avda de Montero Ríos, á altura do Museo Massó a partir das 10 horas para as categorías inferiores (chupete, minibenxamín, benxamín, alevín, infantil e cadete). Xa ás 12 horas celebrarase a carreira de seis quilómetros na que poderán participar as persoas que o desexen, maiores de 16 anos que se atopen ben fisicamente e que gocen de boa saúde en xeral.
O prazo de inscrición remata este xoves, 9 de novembro, e faranse a través da web www.prueba-t.es cun custe de 6 € por participante para a categoría absoluta que inclúe o dorsal, bolsa de agasallos conmemorativos (para as 250 primeiras inscricións), froita e bebidas. Para as categorías inferiores, a inscrición xestionouse directamente dende os propios centros educativos. Segundo destaca o concelleiro de deportes, Manolo Otero, hai unha alta participación, como xa vén sendo habitual nesta proba que xa está inserida no calendario deportivo de toda a comunidade.
O día da proba, entregaranse medallas para todos os participantes na categoría chupetes, e no resto de categorías inferiores haberá trofeo para os tres primeiros clasificados. No caso da carreira absoluta, ademais de trofeos, repartiranse premios en metálico, tanto en masculino como en feminino: 75 € para o primeiro, 50 € para o segundo, e 25 para o terceiro. Dende a organización tamén adiantaron que se habilitarán duchas no pavillón.
Cartel Festa San Martiño Bueu 2017
Volver
El tiempo
Perfil del contratante
Sede Electrónica
Patrimonio en Bueu
Eventos en Bueu
Playas
Plan Xeral de Ordenación Municipal
Aula de naturaleza Cabo Udra
Museo Masso
Festival Internacional de Curtametraxes de Bueu
Patrimonio Hermelo
Fundación Novas
Página con Documentación sobre Bueu
Síguenos en Twitter
Síguenos en Facebook
GDR
© Concello de Bueu 2012. Concello de Bueu – Eduardo Vincenti, 8 – 36930 Bueu (Pontevedra). Telf. 986 390 029