Esta semana reanudáronse as clases de ximnasia do Concello de Bueu. Ao longo deste curso, impártense diversos tipos de ximnasias, con especial relevancia das clases de matroximnasia e prenatal.
As de matroximnasia son os xoves ás 19.00 horas no Pavillón Municipal Pablo Herbello (para nais e pais e fillos de 0-1 anos). En canto ás de prenatal terán lugar os xoves ás 18.00 horas no CEIP A Pedra, con tres meses de embarazo cumpridos.

Para apuntarse, as persoas interesadas poden inscribirse de forma gratuíta no Departamento de Deportes, no teléfono 986324338 ou no correo deporte@concellodebueu.org.